Jasmine Essence

و عجمي !

2010-12-11T14:00:00.000-08:00

طالما احسست بوحشة رهيبة في هذا المكان البعيد ، بشوارعه الضيقة التي تفصل بين "فيلات" فخمة بعضها لفنانين و فنانات و مشاهير ، و بسكونه و صمته القاتل ، و بذلك الكلب الضخم المتوحش الذي يحرس الفيلا المجاورة للمكان الذي ننزل به ، والذي لا يحلو له النباح الا عند رؤيتي .... لا ادري ان كان متوحشا فعلا ام هي "فوبيتي" المعروفة من الكلاب.... ...
يبعد قليلا عن شاطئ هادئ يمكنك في الشتاء ان تكون الوحيد الواقف علىه... ممتع ان تسير على رمال مبللة ليس عليها اي اثار اقدام سوى اثار اقدامك ...في الصيف يكون مختلفا تماما ... بحيث لا يمكن ان تتصور انه نفس المكان ... فتجد اشخاص يسيرون في الشوارع-امر لايحدث ابدا في الشتاء-يحملون كراسي بلاستيكية مطوية و شمسيات ... واطفال يسيرون بلبس البحر حفاة الاقدام .... و اخرون يستأجرون الدراجات ... احد احلامي ان انجح في قيادة دراجة لمسافة تزيد عن متر!.... وشباب و فتيات يجلسون على سيارات "روشة" بها سماعات مزعجة جدا ...
رغم احاسيسي المختلفة تجاه هذا المكان الا انني افتقده بشدة ... لأول مرة منذ ان كنت بالصف الأول الثانوي يمر عام دون ان اقضي به بعض الايام .... الفضل يعود الى العام الخامس من كلية الطب ... تلك السنة الكبيسة التي تستمر منذ بداية شهر سبتمبر و تنتهي في شهر اكتوبر من العام التالي لتمحو بذلك مصطلح "اجازة الصيف" من قاموس حياة طالب الطب .... و لتفرض علي ان اذهب الى العجمي في الشتاء !
منظر حوض السباحة في الشتاء يكون اقرب لبركة او ترعة او مستنقع ... مزيج من اوراق الاشجار التي تناثرت من الاشجار المحيطة و مياة الامطار و الاتربة .... و ذلك الكلب اللطيف الذي لا يتوقف عن النباح طوال الليل ... و تظل المتعة الكبرى في ظل هذا الجو المريب هي ان نستيقظ في الصباح الباكر و يرتدي كل منا كل ما احضر معه من ملابس ليصبح شبه "الدبدوبة" و نركب السيارة .... و ننطلق الى الاسكندرية ... لا زحام ... تسير السيارة باقصى سرعتها لينعش هواء البحر "المثلج " و جوهنا اللتي لا يظهر منها سوى العينين ... فمن لا يغطي انفه بينما تسير السيارة بهذه السرعة في هذا الجو حتما سيصاب بالتهاب رئوي.... كم افتقد تلك الايام ... اطالب بحقي في اجازة ... حتى وان لم تكن صيفية ... لا مانع من اجازة شتوية مريبة في العجمي.... و عجمي !

مدونتي العزيزة ....وحشتيني

2009-11-01T07:38:00.000-08:00

من زمان مكتبتش حاجة فيكي .... معلش كنت أعاني من حالة توهان فظيعة
كنت عايزة احكيلك على حاجات كتير بس قلت بلاش عشان احنا مش لوحدنا وفي ناس كتير بتدخل تقرا اللي بكتبه فيكي ، فآثرت الكتمان ، و ها أنا اعود اليكي من جديد .... انا بقيت في سنة خامسة على فكرة ...احسن تكوني مش واخدة بالك ..أصل اخر مرة كتبت فيكي كنت لسة في سنة رابعة
عارفة يعني ايه سنة خامسة ؟؟؟ يعني نص البكالوريوس ....اصل البكالوريوس بتاعنا اسمه " بكالوريوس الطب والجراحة" .... السنة دي الطب والسنة الجاية ان كان عمري ما زال فيه بقية هتبقى الجراحة ان شاء الله .... بس انا عندي مشكلة ...على عكس توقعي انا مش مبسوطة ... ومش متحمسة ... وصلت لحالة ملل غريبة من الدراسة .... عايزة اشتغل بقى ... عايزة تجديد في حياتي .... ساعات بحس اني اخترت اصعب و أطول الطرق و بحس ساعتها بالغباء و ساعات تانية بندم على الإحساس الأول و اقول الحمد لله انه وفقني لما انا فيه .....بس انا محتاجة قفزة عالية عشان احقق اللي بتمناه ... والطاقة المعنوية جوايا مش كافية اطلاقا عشان اعمل القفزة دي .... محتاجة مصدر طاقة ... بجد انا دلوقتي اعيش المعنى الحرفي للإحباط ...وهو ذلك الفرق الشاسع بين ما يتمناه الانسان وما يمكنه تحقيقه .... ولي عودة

الحب عند الأطفال

2009-05-14T13:43:00.000-07:00

دي اقتبسات من بحث اتعمل على الاطفال و كان مطلوب منهم يحطوا تعريف لكلمة "حب"

عندما يحبك شخص ما , فإنك تشعر بأنه ينطق اسمك بشكل مختلف عن ما ينطقه بقية الناس , انك تشعر بأن اسمك بأمان في فمه
- بيلي – 4 سنوات -

الحب هو ما يجعلك تبتسم حتى وإن كنت متعبا للغاية
- تيري – 4 سنوات -

لا يجب أن تقول لشخص ما انك تحبه الا اذا كنت تعنيها فعلا , واذا كنت تعنيها فعلا فعليك أن تقولها له كثيرررررا .. لأن الناس يعانون من النسيان ويحتاجون الى من يذكرهم
- جيسيكا -8 سنوات -

إذا أردت أن تتعلم عن الحب أكثر فعليك أن تبدأ بحب أصدقائك الذين تكرههم
- نيكا -6 سنوات -

الحب هو عندما تختار أمي أفضل جزء من الدجاجة وتعطيه لأبي

- إلين – 5 سنوات -

الحب هو عندما تصنع أمي لأبي قهوة ثم تأخذ منها رشفة بالملعقة لتتأكد أن مذاقها لذيذ

- داني – 7 سنوات -

الحب هو عندما تخرج مع أحدهم وتعطيه معظم البطاطس المقلية الخاصة بك دون أن تلزمه بأن يعطيك البطاطس الخاصة به
- كريسي – 6 سنوات -
*******

دي اكتر تعليقات عجبتني

منقووووول

Quotes

2009-05-01T08:54:00.000-07:00

Let me tell you something, Toula. The man is the head, but the woman is the neck. And she can turn the head any way she wants.

Don't let your past dictate who you are, but let it be part of who you will become

اقتباسات من فيلم My Big Fat Greek Wedding عجبتني أوي

فيلم حلو أوي .. اليونانيين دول فيهم شبه كبير أوي من المصريين .... بيعتزوا بحضارتهم جدا ... و بيفتخروا ان اصل اي كلمة يوناني :) ... و بيحبوا اللمة زي المصريين ... في حاجات كتيرة مشتركة .. بس الفيلم مطلعهم هبل زيادة عن اللزوم .. اكيد هم مش بالهبل ده ....

Dalia Mogahed

2009-04-24T12:51:00.000-07:00

This confusing yet justified combination of Egyptian facial features and evident loyality to America drew my attention to the extent that made me listen carefully to the news on TV, a thing that rarely happens.It was Dalia Mujahed,the first muslim woman to be appointed in the white house.Last month Obama founded a new body in the white house called "The office of religious partenerships"that aims at providing advice to the president about how americans belonging to different religions and beliefs think about the current policy and at serving as a link between different religious groups. Dalia , born in El-sayeda zeinab-cairo-Egypt moved to theUS when she was 5 years old .She is now the head of "Gallop American Center For Muslim studies"and a co-author of the recently released book "Who speaks for islam ?". In many web sites , as I read, Dalia was blammed for declaring that her first loyality is to the US , but how can one expect any otherthing ? that is her country, where she lived, recieved her education and finally that is where she got the biggest oppurtunity to express her self and talk about her religion and correct the erroneous image of Muslim Americans. what I like most about the way she speaks is that all her speech is based on facts, results of studies and surveysnot on mere opinions and beliefs. I hope she will do something good to Islam and muslims on one hand and be an example for true muslims who hold fast to the instructions of religion,Hijab I mean , and at the same time participate effectively in achieving welfare of their countries

White

2009-04-20T14:58:00.001-07:00

My name

My Promise

My Dream

ابداعات من كشكول المذاكرة

2009-04-20T13:48:00.000-07:00

The more you love, the more you expect

the wider the gap between your expectations and what you actually get

هذا القلب ... الذي لم يشعر بك وانت تقترب

يشعر بك الآن و انت تبتعد

و هذا العقل ... هو سيد الموقف

ولن يقبل ان يكون حقل تجارب لتلك المشاعر التي لم تنضج بعد

It is like throwing your dreams, your feelings,a complete era

behind your back.Regardless of the events and details of this era;who?when

why?,after all it is apart of my life, a part of its unknown length.It is hard and

painful to cut a part of your present and throw it into the box of your memories.

لقد قضى الحظ فك السير ..ولن يحن الى اسره مطلقا

ففي الاسر مذلة و عذاب ... والكل على حاله اشفقا

ابداعات من كشكول المذاكرة ...ما بتطلعش غير للغاليين ... و مفيش اغلى من زوار المدونة الأعزاء

D: D:

2009-03-06T16:26:00.000-08:00

"لعنة الفراعنة" عنوان كتاب معروف جدا لكاتبي المفضل "أنيس منصور" ،كان واضح من كل القصص اللي في الكتاب ده ان انيس منصور مصدق فعلا ان فيه حاجة اسمها لعنة الفراعنة ... انا عن نفسي مش مصدقة ان اللي حصللي في تالت ايام الرحلة كان تفسيره "لعنة الفراعنة" ... اصل الفراعنة دول كانوا طيبين و في حالهم .. هيعملوا لعنة ليه ؟؟و حتى لو في لعنة ... اشمعنى انا ؟؟

ابتدينا برنامج زيارات الاقصر ... و طبعا كان اول و اهم حاجة .. وادي الملوك ... ووادي الملوك ده موجود في "البر الغربي" وهو عبارة عن مقابر الملوك .. و طبعا موجود في البر الغربي عشان الشمس بتغرب هناك .. رمزا لانتهاء الحياة ...

نسيت اقول ان مايكل في اليوم اللي قبلها نبه علينا ان محدش يبعد عن بقيت المجموعة عشان في اعتقاد سائد في الصعيد ان عشان مقبرة تتفتح لازم يدبحوا على بابها انسان .. و بما ان الناس اللي بيعملوا القربان ده مش هيعرفوا يخطفوا شاب طول بعرض ففي الغالب بيخطفوا بنت و يدبحوها ... ربنا يبشره بالخير ... المهم اكد تاني على نفس الموضوع في الطريق لوادي الملوك ...

وادي الملوك منطقة جبلية .. من برة مافيهاش اي حاجة غير جبال و رمال ..المفروض التذكرة لدخول تلت مقابر بس (اجمل تلت مقابر) مش فيهم مقبرة توت عنخ (اشهر مقبرة لأنها المقبرة الوحيدة الكاملة )و عرفت بعدين ان دخول المقبرة دي لوحدها ب 150 جنيه... المقبرة الأولى مقبرة سيتي الثاني ... و مايكل كان واضح انه من اعداء المرأة فقاللنا ان كلمة "ست" يعنى المرأة جاية من "سيتي" اله الشر عند المصريين القدماء... ما علينا ...و مقبرة تانية مش فاكرة اسمها .. و مقبرة "تحتمس الثالث"... طبعا مش فاكرة او بمعنى اصح مش فاهمة معنى الرموز اللي شفتها في المقابر .. بس اهم حاجة " الألوان" اكثر من رائعة كأنها لسة مرسومة من كام سنة بس ...

البصمة الكبيرة لوادي الملوك في نفسي تركتها مقبرة جدو "تحتمس الثالث" الله يسامحه... سيادته مش لاقي حتى يدفن في غير في عمق الجبل ... يعني جبل بتطلعله بسلم طويل .. مواصفات السلم : طوييل ، شبه عمودي ،و ده يخوف اكثر، في فراغات واسعة بين درجاته و ده يخوف اكثر واكثر، و الدرابزين بتاعه عبارة عن حبل بس وده يخوف اكثر واكثر واكثر، ومع حد عنده فوبيا من الارتفاعات زي حالاتي.. الموضوع كان مأساة ... الحمد لله وصلت للقمة من غير ما اقع (طبعا ما بصتش تحت رجلي وانا طالعة والا كان زماني مش بكتب الكلام ده دلوقتي).... و جاءت الصدمة .. المفروض انزل الي طلعته ده بس جوة الجبل .. يعني كأنه بركان كدة ... تسلقته من برة و نزلت نفس المسافة بس جوة ...فضلت انزل وانزل .. كنت حاسسة اني بتخنق .. بس حب الاستطلاع ... ابتديت ادوخ .. مش مهم ... وصلت ... الحجرة الرئيسية في المقبرة كانت مليانة ناس .. كله بيسحب اكسجين و مفيش تجديد لأن احنا في عمق الجبل .. حسيت بنفس احساس حد لما تحط وشه تحت المية .. بتخنق .. لا انا بموت فعلا ... جريت بسرعة وحاولت اطلع بسرعة ..على السلم سمعت صوت جاي من بعييييد " مالك؟؟ امسكي نفسك يا ..." فتحت عيني لقيت وشوش كتير .. وسقف المقبرة ... وهواء .. هوااااء ... كل اللي كنت عايزاه ساعتها اني اتنفس ... بنتنفس 12-20مرة في الدقيقة ومش حاسسين بقيمة النعمة ... ركزت شوية ... ايه اللي بيحصل ده ؟ انا بايني كدة مرمية على الأرض ؟؟.... حاولت اقوم ... و بعد محاولات خرجوني من القبرة .. و ابتدت نفس الماساه .. النزول على السلم المرعب ... منك لله يا جدو "تحتمس"

مشينا من وادي الملوك ورحنا على معبد حتشبسوت و بعدين رحنا مصنع "الالاباستر" ... الالباستر ده حجر شفاف الى حد ما بيصنعوا منه تحف و اواني وهكذا .. الجميل ان في شحاتين كتير اوي جنب المصنع بيشحتوا بطريقة مبتكرة جدا.. يجوا ادامك و من غير ولا كلمة يحطوا في ايدك قطعة الاباستر من الجبل و يمشوا ... فيبقى ادامك حل من اتنين يا تحدفهم بيها و هم ماشيين يا تجري وراهم وتديهم اللي فيه النصيب و في الغالب بتعمل التانية لأن حالتهم يرثى لها فعلا ... و كمان الالاباستر حجر رقيق جدا في شكله ..

رجعنا النايل كروزو اتغدينا ونزلنا تاني عشان نروح عرض الصوت و الضوء بمعبد الكرنك ... معبد الكرنك معبد كبير جدا و فيه صالة اعمدة هائلة ... وكان مقر عبادة "آمون" -ستغفر الله العظيم - و فيه تمثال ل"جعران" دايما تلاقي الناس من كل الجنسيات بتلف حواليه 10 لفات ... سألنا و عرفنا ان الاسطورة بتقول ان اللي تلف حواليه 7 لفات تتجوز و 3 لفات تحمل ... طبعا لفينا عشان ناخد بركة الجعران ... لعل وعسى ..

عرض الصوت و ضوء كان جميل ولو انه كان بالعربية الفصحى اللي بترعقل موضوع الفهم عندي وهو اصلا معرقل ..

و انتهى اليوم التالت ... وروحنا بعد ما لفينا شوية في سوق الأقصرواحنا نفسنا بكرة مايجيش .. عشان بكرة كان هيبقى اخر يوم ..

2009-02-21T06:12:00.000-08:00

صحيت .. مش فاكرة كانت الساعة كام ... تقريبا قبل الفجر بشوية ... فتحت ستارة الشباك .. بصيت... الشمس لسة مطلعتش .. ضوء خافت ... و مية النيل بتجري تحت السفينة .. او السفينة بتجري فوق مية النيل ... الضفة المقابلة للشباك نخل ... بيوت ... تلال ... كنت فاكرة اننا في الطريق للأقصر... بس عرفت بعدين لما السفينة وقفت و طلعت على سطحها .. اننا هنقف شوية في " ادفو " عشان نزور معبد ادفو ... و بعدين هنكمل بقيت اليوم في النيل في الطريق من "ادفو " ل " الأقصر " .... كان يومها يوم ال valentine ... لبست في اليوم ده ايشارب احمر ( بالصدفة طبعا ) و للمفاجأة لقيت 2 كمان من صاحباتي لابسين ايشاربات حمراء ... و كان شكلنا تحفة ... لدرجة ان واحدة من السياح في معبد ادفو قالتلنا ... I like alll your stuff ..you are colorfull

معلومات سريعة عن معبد ادفو : اكتر حاجة مشهور بيها تمثال " حورس" ابن ايزيس و اوزوريس .. و هو على شكل طائر مش عارفة نسر وللا صقر ... و حاجة كمان ان المعبد ده كان مغمور شبه كليا بالطمي ... الا الجزء القريب من السقف ... فكان العرب الرحالة بيدخلوا من الفتحات القريبة من السقف و يباتوا فيها و كانوا بيقولوا عليها " كهوف القدماء" و مكانوش يعرفوا ان دي اعلى جزء من مداخل المعبد .. و لما كانوا بيشعلوا نيران جوا الكهوف دي الدخان كان بيلون السقف بلون اسود عشان كدة ممكن تحس ان سقف المعبد محروق ... الجميل اوي ان بعض رسومات المعبد لسة محتفظة بالوانها ... تأملت الألوان كتييير ... و سرحت ... و تخيلت جدي الفرعوني اللي لون الرسومات دي ... يا ترى كان متخيل انها هتفضل كل الوقت ده .. دخلنا اودة مرسوم على جدرانها مراحل تصنيع ال perfume ... يا روقانهم ... من اول اختيار النبات اللي هيستخلصوا منه ال perfume لحد صناعة ازازة ال perfume بشكل يليق بصاحب السمو ... الفرعون طبعا ...

رجعنا للسفينة و بدأت تتحرك ... و بقيت اليوم كنا احنا و النيل و بس ... متعة لا توصف .. اللي يشوف النيل في الأقصر و أسوان استحالة يتخيل انه تكملة النيل اللي في القاهرة ... النيل في القاهرة - على رأي شخص ما - ترعة كبيرة ...

طلعنا كلنا فوق على سطح الفينة ... استعدادا لقضاء يوم نيلي جميل ... قالولنا الساعة 1 و نص هنعدي على الهاويس ... و سرعان ما انتشرت الاشاعات حول الهاويس ... كل واحد يفتي فتوى ... لدرجة انها وصلت في الآخر ل أن " الهاويس ده حاجة بيتحس ما بيتشافش" ... مش عارفة كانوا متخيلينه عفريت وللا ايه ... و الهاويس بكل بساطة هو عبارة عن بوابة بتعدي منها السفينة بين مستويين مختلفين من مياة النيل ... ووظيفة الهاويس انه يحاول يعادل بين المستويين بحيث ان السفينة متنزلش فجأة ... لا أكثر ولا اقل ...( في الصورة )

بعد المغرب بشوية السفينة وصلت الأقصر ، و رست ادام معبد الأقصر بالظبط ... معبد مليان اعمدة منورة بالليل و اعتقد كان فيه مسلة ... انتهى اليوم ببارتي في ال "]Disco" اللي قلبوه عشان خاطرنا " جلابية بارتي" و قدموا فيها cake و شاي بدل الفودكا و الويسكي اللي متعودين يقدموه للسياح ... و نمنا ... و مكنتش اعرف ان اليوم التالي هيكون اليوم اللي اكون فيه احدى ضحايا لعنة الفراعنة ...

انتظرونا في الجزء الثالث

2009-02-20T10:36:00.000-08:00

كنت خايفة اوي ، يمكن عشان دي ابعد مسافة بعدتها عن بيتنا ، او يمكن عشان اول مرة اركب قطر ( للأمانة ركبت مرة قطر من" منوف "ل "دنشواي" زمااااان اوي و مش فاكرة اي تفاصيل ) ، او يمكن عشان بخاف من المجهول بشكل عام ... و مع ذلك قررت اسافر .... حب الاستطلاع ده اقوى من اي حاجة حتى من الخوف ... كان نفسي اشوف أسوان و الأقصر ... لفترة اعتقدت ان تركيا اجمل بلد في الدنيا (تأثير مسلسل نور).. بس دلوقتي ... ممكن اقول بكل ثقة ان مصر اجمل بلد في الدنيا ..

ركبنا قطر الساعة 9 و نص من محطة مصر و كانت فترة سفر طويلة حوال 15 ساعة من القاهرة ل اسوان ، قضيناها بين التهييس و السكون و التأمل ... مقدرتش اشوف حاجة من شباك القطار لأن الدنيا كانت ضلمة ... كنت بفكر مع كل محطة يقف فيها القطر في الخريطة ... اعدين ننزل و ننزل في الخريطة .... ياااااه معقول هروح عند اخر الخريطة !!! .. ليا ملحوظة على مستوى الخدمة في سكك حديد مصر ... سيئة جدا ... مش عارفة ليه... فكرت ان ده ممكن يكون بسبب اننا راكبين درجة تانية ... لكن واحنا في طريق العودة تسللنا للدرجة الاولى عشان نشحن موبايلاتنا ... و مفيش اي فرق بين الاتنين غير ان الدرجة الأولى في ستاير على الشباك و كراسيها متغطية بقماش مش بجلد ... بس... اه و في فرق كمان طبعا .. ان فيها كهربا عشان الشحن ...

اشرقت شمس صباح اليوم التالي و احنا لسة في الطريق ... بدأت البشاير تهل ... فأشجار الموز و قصب السكر بدأت تكتر على الطريق و البشرة الداكنة تصبح داكنة اكثر و اكثر .... هيييييييييه قربنا من اسوان ... افراد الرحلة اتجمعوا على حجرة تغيير الملابس عشان يغيروا الهدوم الشتوي التي مكفيتناش من برد الليل القارس بملابس صيفيةمناسبة لجو اسوان ... مغيرتش هدومي مع ان كان معايا هدوم صيفي .. كسلت .. و ندمت بعد كدة جدااااااااا.. لأن الجو في اسوان تقريبا صيف طول السنة الصبح ... و شتا طول السنة بليل ...

و صلنا قبل الظهربشوية و سيبنا شنطنا اادام محطة اسوانو ركبنا اتوبيسات شركة السياحة المنظمة للرحلةعشان تاخدنا للزيارات المحددة في برنامج اليوم الأول .... بمجرد ان ركبنا و استقرينا في كراسينا سمعنا صوت المرشد السياحي المسئول و هو بيرحب بينا ... كان شاب اقصري ( من الأقصر ) ظريف جدا اسمه ( مايكل محارب) اسمر اللون صعيدي الملامح و اللهجة ... و كانت لهجته مليانة الفاظ مضحكة ( بالنسبة لنا طبعا ) و مازلنا بنقولها على سبيل الهزار حتى بعد ما رجعنا من الرحلة ... قاللنا ان اتوبيسنا Bus 1 هيفضل اتوبيسنا طول الرحلة و ان هو هيفضل ال tour guide بتاعنا طول الرحلة .. و تسهيلا هيسمينا " مجموعة تحتمس " عشان لما يحب ينادي علينا في الرحلة و كان دايما شايل عصايا ملفوف عليها ثعبان يرفعهاعشان نشوفه و نمشي وراه في الزحمة ..

رغم ان كلنا كنا عايزين نروح الأول الفندق العائم او ال Nile cruise زي ما كنا بنقول عشان نستريح من السفر ... الى ان الوقت لم يسمح فبدأنا بالزيارات فور و صولنا ...

بدأنا بالسد العالي ... و في الطريق من محطة اسوان للسد العالي مايكل قاللنا على معلومات ممتعة و قيمة جدا عن السد و اد ايه هو ثروة قومية و تحفة هندسية ... نزلنا خدنا كام صورة في السريع جنب السد و ركبنا الباص تاني ... و طلعنا على " معبد فيلة " ... و بما اني مليش في التاريخ و الآثار اوي فكنت مركزة اكتر في جمال الطبيعة حوالين الجزيرة اللي عليها المعبد ... معلومة صغيرة عن المعابد الفرعونية : في اي معبد فرعوني بيقى في باب في الأول و باب في الأخر ، و البابين بيبقوا على خط مستقيم بحيث تقدر تشوف الباب البعيد من الباب القريب ، و بيسموا الباب البعيد " قدس الأقداس " ، الا في معبد فيلة مينفعش تشوف " قدس الأقداس "من مدخل المعبد ، لأ ن الجزيرة اللي عليها المعبد حاليا ( جزيرة اليجيكا ) اصغر من الجزيرة اللي كان عليها المعبد اساسا ( جزيرة انس الوجود ) و بالتالي اضطروه يتنوا الخط المستقيم اللي بين البابين عشان الجزيرة تكفي المعبد ...

نرجع مرجوعنا ، برضه خدنا شوية صور هناك و سمعنا بعض شرح الاساطير المصرية القديمة ، و ركبنا الباص تاني و طلعنا على مكان اسمه حديقة النباتات ، و دي حديقة على ربوة تطل على النيل بمراكبه الشراعية و من وراه شريط اخضر ضيق و بعدها تلال رملية ... منظر غاية في الروعة (المنظر اللي في الصورة ) ... سبحان الله ... و الحديقة دي انشأها احد الملوك ( احد احفاد محمد علي بس مش فاكرة مين ) و جمع فيها اشجار من كل انحاء العالم ، و ما زالت من الاماكن الرئيسية التي يقصدها دارسو علم النباتات ... بعد جولة قصيرة فيها ... ركبنا الباص الى الفندق العائم ... كان اسمه Nile Treasure... كنت اتوق لرؤية السرير بعد هذا اليوم الشاق ... سفر 15 ساعة و بعدين جولة للسد و معبد فيلة و جزيرة النباتات في يوم واحد ... اتغدينا و استريحنا قليلا ... و بعدها كان في free tour ذهبنا فيها الي سوق اسوان ... و قابلنا هناك فتاة اسوانية اسمها "سارة" بترسم الحنة ...عمري ما رسمت حنة على ايدي قبل كدة ... اشمعنى دي اللي مش هجربها .. جربت ... و يا ريتني ما جربت ... طريقة رسم الحنة : الحنة موجودة في حاجة عاملة زي الأداه اللي بيرسموا بيها بالكريم شانتيه على التورتة ( مش عارفة اسمها ايه ) و بترسم الرسمة اللي بتختارها من الكتالوج ... الحنة سودا لكن بنقعد فترة لحد ما تنشف و تقشر و تسيب مكانها لون برتقالي او بني فاتح ، بعدها بتحط ماء اكسجين عشان يتفاعل و يدي اللون الاسود المعروف ،اول ما حطت مية الأكسجين على ايدي بدا ال " هرش " ... و اخذ يتطور و يتطور ... سألتها .. فقالت بكل اطمئنان: عادي ... عادي ايه يا بنتي انا ايدي باظت ؟ ... كررت : عادي ، قلت ماشي يمكن عادي وانا اللي مش واخدة بالي ، شوية و بدأت بعد النقط البيضاء الصغيرة تظهر على يداي ، قلت لأ كدة الموضوع شكله contact dermatitis مش هكدب الطب و اصدق ال " عادي " بتاعها ده ... رحت اقرب صيدلية و اشتريت منها " betaderm و قبل ما اوصل الفندق عشان احط الكريم كانت خفت .. عندها حق ... عادي ....

بعد انتهاء ال shopping رجعنا اتعشينا و قبل ما ننام بشوية حسينا السفينة بتتهز ... ملحوظة : حجرتي كانت في اول دور من السفينة من تحت ، او بمعنى اخر اقرب دور من المية ، تصور اودة المنظر من شباكها بيتغير كل يوم ، لأ كل ساعة ، مش شباك اودتي دي اللي المنظر منها هو هو من ساعة ما اتولدت ، المنظر من شباك الغرفة اول يوم : النيل ، و على الضفة الأخرى مقابر فرعونية محاطة بالنخيل و مضاءة بالليل اضاءة خافتة ...

بدأت السفينة تسير و كنت اعلم بالتأكيد ان اخر منظر رأيته من شباك الغرفة لن يكون موجودا في الصباح ...

انتظروا الجزء التاني

دولة بلا حدود ..ولا قيود

2009-01-24T11:10:00.000-08:00

لفت انتباهي عنوان هذا الكتاب بلا شك ... فهو يشمل اسم شئ مثير بات جزءا لا يتجزأ من حياتنا اليومية ... ذلك هو ال facebook ...

ذلك الموقع الذي قام بانشائه طالب من جامعة Harvard لا يتجاوز عمره ال 19 عاما ... و اصبح اللآن من اكثر المواقع شهرة ان لم يكن اشهرها على الاطلاق ..

هذا الكتاب هو " دولة ال facebook" اعداد و تحرير(محمد علي البسيوني) ... يا ترى ماذا يقصد ب "دولة الفيس بوك " ؟ ... هل سيتحدث عن امريكا و يتطرق الى ابعاد سياسية فلا اشتري هذا الكتاب ؟؟ ... ام سيتحدث عن تلك الظاهرة و تأثيرها على مجتمعنا و خاصة الشباب فأشتريه ؟ ... كان يبدو من الملخص الذي على ظهر الغلاف انه اقرب الى الافتراض الثاني فاشتريته .... و اكتشفت انه عبارة عن مجرد عرض لاهم و اكثر الأفكار انتشارا علي "جروبات " الفيس البوك ... و هو عرض موضوعي جدا ... حيث لم يبدي الكاتب رأيه في اي من الموضوعات التي عرضها ... بل ترك الحكم للقارئ الذي سرعان ما سيكتشف ان هذا الموقع قد اثر بشكل واضح جدا على مجتمعنا المصري و العربي سلبا و ايجابا .. ...

و كان اول كتاب اقرأه يعتمد على مجرد العرض الموضوعي للواقع و ترك الحكم للقارئ هو كتاب "تاكسي" تأليف خالد الخميسي... الذي كان عبارة عن حوارات دارت بين الكاتب و بين بعض سائقي التاكسي ... و لو ان صيغة الحوار اضفت بعضا من روح الكاتب على الافكار ...

اعجبتني الفكرة طبعا ... و خاصة بعد ان وجد الكثير من ال "الجروبات " التي انتمي اليها على ال facebook ... ووجدت بعض المقالات و المشاركات لأشخاص اعرفهم شخصيا بل و اصدقاء ...

يرى البعض ان اي افكار تنشر على مواقع ال انترنت المختلفة او اعلى الماسنجرات .. ما هي الا افكار في "العالم الافتراضي" ... و ان الشباب مؤسسي تلك الجروبات على الفيس بوك لم يجدوا لهم دورا على ارض الواقع ... فراحو يبحثون عن دور في " العالم الافتراضي " ...و لكن لماذا لا ننظر للموضوع على ان الشباب لا يجدون الحرية في التعبير عن ارائهم على ارض الواقع ولا الوسائل المناسبة لهذا التعبير .... فاضطروا ان يسافروا لدولة اكثر حرية .. اكثر انفتاحا .. دولة بلا حدود .. و بلا قيود .. "دولة ال facebook "...

لم انتهي بعد من قراءة الكتاب ... وانوي ان اكتب لكم بعض المختارات منه في مواضيع تستحق النقاش .. على مدونتي .. او على الجروبات الاساسية على الفيس بوك ...

تعاطفك وحده ...

2009-01-01T13:10:00.000-08:00

ليه قال سيدنا محمد (ص)" إن مثل المؤمنين في تعاطفهم و تراحمهم و توادهم كمثل الجسدالواحد اذا اشتكى منه عضوا تداعى له سائر الجسد بالسهر والحمى "؟

يعني ليه ذكر تأثر كل الجسم سلبا بالعضو المريض (الحمى و السهر) و مذكرش دفاع الجسم عن العضو ده وده بيحصل فعلا ؟

دار السؤال ده في

مخي وأنا بفكرفي المأساة اللي بيعيشها الاسلام و العروبة .. ولقيت له اجابة : هي أن الحديث مش بيدور عن الدفاع عن العضو و انما عن التعاطف .. المشاركة ..

الحديث ده بيقوللنا على اقل حاجة ممكن نعملها لما حد مننا يشتكي.. التعاطف .. و هوده مش حاجة سهلة زي ما الناس فكرة .. كتيرنسمع : تعاطفك وحده لا يكفي .. بقى التعاطف عملة نادرة لدرجة اننا ممكن نقول.. تعاطفك وحده يكفي

يعني الجهاد وتخلينا عنه .. كمان مش قادرين نتعاطف ؟؟

التعاطف مش انك تزعل لما تسمع خبر وحش .. غلط غلط ..التعاطف يعني انك تعيش المأساة اللي اخوك عايشها .. انك تتكسف تفرح و هو حزين .. تتكسف تستمتع بحياتك و هو بيضحي بحياته ..

في بداية العام الجديد .. فرحة و تهاني و Happy new year و اتفاقات على سهر و خروجات .. ازاي يعني ؟؟

أنا .. مثلا ..أسوء مثال على ذلك .. وقفت ادام تلاجة البيبسي باحاول جاهدة ان اقفلها من غير ما اخد حاجة منها .. مقدرتش غير بعد ما ناس وقفين جنبي قالو بصوت عالي " المقاطعة يا دكتورة " .. حطيت الكان في مكانه و قفلت .. كان البيبسي بقى أقوى مني ..

أنا .. تاني .. أسوء مثال على ذلك .. قدمت على رحلة للأقصر و أسوان .. و بدعي ربنا ان صراعي مع نفسي ينتهي في اسرع وقت بهزيمة نفسي الامارة بالسوء .. ازاي عايزة اروح رحلة?? ازاي ليا نفس اصلا ؟؟

أنا .. تالت .. أسوء مثال على ذلك .. قررت يوما ان أشارك اخواني في غزة انقطاع الغاز و مصادر الطاقة عنهم فعزمت اني مش هشرب اي مشروب ساخن في اليوم ده حتى لو كنت هتجمد .. و مع أول رائحة كبتشينو بندق .. فقدت الوعي وما فوقتش الا لماخلصت الكوباية.. مش عارفين نسيب اهيف الحاجات هنعرف نجاهد? .. فعلا اللي يعرف ينتصر على نفسه يعرف يعمل اي حاجة تاني بعد كدة ..

يارب اعنا على ان نغير ما بأنفسنا حتى تغير ما بنا .. يا رب لو مش قادرين نبقى ايد واحدة ساعدنا اننا نبقى قلب واحد ..

افتقدك ايتها الطبيعة

2008-11-21T12:44:00.000-08:00

يا بخت الانسان البدائي ..

بحسده بجد .. كل حاجة في حياته كانت اكيد جميلة .. اكتر حاجة بحسده عليها انه كان بيمشي حافي في الشارع ..

انا زهقت من كل حاجة حوالينا .. المواصلات بعوادمها و ازعاجها .. الكمبيوتر ب(مسنجره ) ب (فيس بوكه) .. الكلية بكتبها و مذاكرتها .. التليفزيون برخامته و رزالته و كدبه .. الموبايل بمسداته و مسجاته .. الهدوم بألوانها وموديلاتها .. المولات و الكافيهات بمنيوهاتها و ديكوراتها و اضاءتها .. زهقت

عايزة ارجع لأمي ..الطبيعة كما خلقها الله سبحانه و تعالى .. وانام في حضنها .. و اشكيلها من حياتنا اليومية المزعجة

نفسي في حاجات كتير متحققش منها غير حاجة واحدة .. ده كان في شتاء السنة اللي فاتت .. حققت حلم من احلامي بالطبيعة .. وقفت على شاطئ مش واقف عليه حد غيري .. انا و الرمل و البحر و الشمس و بس .. كان في بيوت و شاليهات على بعد امتار قليلة و لكني تجاهلتهم ..عشان مفتكرش اللي عمله الانسان الشرير في الطبيعة الجميلة النقية ..

في جزء من الطبيعة الجميلة جوا كل حد .. بس مبيعرفش يطلعه لأن الناس هتقول عليه مجنون .. و هو ده السبب ان باقي احلامي بالطبيعة مش هتتحقق .. مش هجيب شجاعة كافية اني اعيش الطبيعة اللي جوايا .. هو ده السبب في اني بحسد الانسان البدائي انه كان بيمشي حافي في الشارع .. و كان بياكل الخروف او الغزالة المشوية من غير ما يمسح بقه بالمنديل بعد كل قطمة .. و من غير ما يقوم يغسل الاطباق بعد الاكل ..

نفسي اصحى الصبح على صوت الديك .. و اخرج من الكوخ بتاعي ..اغسل وشي من مية البحيرة اللي ادام الكوخ .. واتمشي في الحدائق و الغابات اللي جنبي اجمع الخضروات و الفواكه و بيض الطيورفي سلة صغيرة من القش و اروح اعمل الفطار على النار اللي ادام الكوخ ..و بعدين اقضي بقيت اليوم

على المرجيحة اللي مربوطة بين شجرتين ..لحد ما معاد الغدا يجي ..اروح اصطاد ارنب ..ولا بلاش ارنب (هيصعب عليا ) .. اي حاجة و اكلها و انام في الهواء الطلق لحد بليل ما يجي اتفرج شوية على النجوم في السما و بعدين ادخل الكوخ ..

لما احب اصرخ بعلو صوتي اصرخ و لما احب اجري في اي حتة من غير سبب اجري .. عارفة ان في ناس هتقوللي و فين الهدف ؟؟ حياتك مش هيبقى ليها معني .. بس انا مش عايزة هدف.. و لا معني .. ولا تفكير ..ولا دوشة .. زهقت ..و تعبت

البداية ..

2008-10-31T15:26:00.000-07:00

لابد ان اتوقف هنا قليلا ..لأنظر الى بداية الطريق ، فالطريق الآن على وشك منحدر حاد سيكون السير فيه بقوة الجاذبية و قد لا تسنح الفرصة للتوقف و النظر الى البداية ..واذا لم يكن هناك منحدرا فهناك منعطفات .. و اذا لم تكن هناك منعطفات فقد يخفي ضباب النسيان تلك البداية لتصبح في غيب الزمان و المكان ..

ظننت ان التفكير في نهاية الطريق يعطي دفعة للسير بسرعة للوصول قبل الاخرين .. و لكني اكتشفت طريقا مختلفا تكون بدايته اهم من نهايته .. و آوله اغلى من آخره .. تسير فيه و تود لو تعود الى البدايه .. و لكنك تسير بل و تسرع لأنك خلقت لتسير فيه ..

اكتشفت شيئا مريبا .. هل بدأت انسى بعض الأشياء عن طفولتي فعلا ؟؟ نعم ، اتذكر معظم الاشياء بصعوبة الآن ، اغمض عيناي فأرى تلك الذكريات كصور فوتوغرافية صغيرة منثورة بين السحاب .. يبدو انني سرت مسافة طويلة فاصبحت البداية بعيدة جدا بحيث لا اراها بوضوح .. و سابتعد اكثر و اكثر .. حتى لا أراها اطلاقا .. كم سأفتقدها .. هل ستصبح الصور و الحكايات المتوارثة كافية انذاك ؟؟ لا أعتقد ..

لا ألوم عقلي .. فقد خلقه الله محدود القدرات .. اثقلته مشاكل الحاضر و خطط المستقبل فتخلى عن بعض ذكريات الماضي ..

هل قررت الذكريات الرحيل مبكرا .. فأنا ما زلت في بداية عقدي الثالث ؟؟ نعم لتفسح مجالا لذكريات جديدة فحاضري سيصبح ذكريات ..

لحظات ..فقط لحظات لأقف و التفت و ادقق النظر لأرى البداية مرة اخيرة قبل ان اواصل المسير ..

كلاكيع

2008-10-13T17:12:00.000-07:00

ده كان عنوان حلقة النهاردة من برنامج "خواطر" على قناة الرسالة ..

والبرنامج ده-للي ميعرفهوش يعني- بيتناول في كل حلقة مشكلة من مشاكل المجتمع الاسلامي بشئ من الانتقاد و السخرية معا مع تقديم حلول سريعة ان وجدت .. مش بتابعه بصراحة بس المرادي عنوان الحلقة شدني ..

يا ترى هيتكلم عن انه "كلكوعة" من الكلاكيع اللي مالية حياتنا ؟

طلعت كلكوعة قديمة و كلنا عارفينها " تعقيدات الزواج و الاسراف في المظاهر و تعجيز الشباب امام سيل الطلبات المنهمر" لكنها صادفت اني في اليوم اللي قبلها كنت لسة بتكلم مع واحدة صاحبتي من دولة عربية غير مصر عن نفس الموضوع ..

رغم ان المشكلة قديمة قدم الازل الا ان المذيع والمعد بتاع البرنامج قدمها بطريقة واقعية جدا .. الراجل خد معاه ورقة و قلم والة حاسبة و نزل يلف .. سأل عن متوسط اسعار الحاجات دي : الخاتم و الشبكة ، فرش البيت ، الفرح و الديكور و شهر العسل و جمع المبلغ طلع

195,000 ريال يعني نقول 200 الف ، المذيع ده مرتبه في الشهر 400ريال (هو اللي قال) ، قعد حسبها فلقى انه عشان يحوش 200الف ريال هتبقى سنة 2016(كل ده في البرنامج) ، فقرر انه ينزل يعزم الناس بما انه حدد معاد الفرح : يا ريت تشرفونا زي النهاردة سنة 2016

طبعا مش هعلق على ال 4000اللي بياخدهم و مش مكفيين(زمانه اتحسد من الكام مليون مصري اللي بيتفرجوا عليه) ، بس ممكن اعلق على مرتبات الشباب حديثي التخرج في مصر .. و للا بلاش .. لا تعليق

الذ حاجة بقى انه روى حادثة ان شاب جاء الى الرسول عليه افضل الصلاة و السلام و طلب منه انه يجوزه بنت ما ، فالرسول (ص) سأله هل عندك او معاك شئ ؟ عشان يقدمه لعروسته يعني فالشاب الفقير قال لا والله ن فالرسول (ص) امره ان يذهب الى اهله فيسألهم عن شئ فلم يجد عندهم اي شئ ، فسأله الرسول و لاخاتم حديد حتى ؟ فقالله: ولا خاتم حديد معنديش غير الهدوم اللي انا لابسها ، فسكت الرسول سكوتا طويلا و الشاب ينتظر ثم قال سيدنا محمد : هل تحفظ من القرآن شئ فقال الشاب نعم كذا و كذا فقال الرسوا : قد زوجتك بما حفظت من القرآن او كما قال صلى الله عيه و سلم.

سبحان الله بقارن ده باللي بيحصل دلوقتي .. طلبات عجيبة .. بتفكرني بطلبات السحرة و المشعوذين لما يجوا يعملوا عمل لو يحضروا عفريت في الافلام .. ريشة ملونة من ديك يتيم ..ظفر قطة سودة عندها شعرتين ابيضين .. ليه التعجيز ده .. الاسلام دين يسر.. وحدد معيار أساسي لقبول زوج للابنة هو الدين و الخلق .. ولو الاهل اختارو على الاساس ده فهم ضامنين ان العريس ده مش هيبخل على بنتهم بحاجة طالما ربنا مقدره ..

دي بعض الكلمات اللي سمعتها من اصحابي و زمايلي و قرايبي و الموضوع فكرني بيها

رأي صاحبتي في طلبات اهل العروسة في مصر : دا انتو معقدين ...

رأي ( فلانة) : مفيش حد يقدر يتجوز من غير مساعدة اهله ..

رأي ( فلان ) : ليه التلاجة ؟ ..في قلة ! و ليه البوتجاز ؟ .. في باجور !

Draft

Thoughts

2008-10-08T10:24:00.000-07:00

when u feel weak..u appreciate strength

when u see how short life is .. u appreciate the real length

look what God has given you..a Mom ,a Dad and true friends

to love and be loved, a happiness that never ends

so thank God now for what u think is bad

because it made u see things u never thought of as good

Morning sunlight shining into my eyes didn't make me glad

but nowit makes me shout: I am still alive!!because I understood

that every day is a new life

ill on aday, healthy on another

pain on a day, joy on another

smiles on a day, tears on another

thank God and don't bother

DO I MEAN WHAT I SAY OR IS IT JUST FEVER ?

I think I do mean what Isay

يا أهلي يا حبي .. و أنا مالي ؟؟؟

2008-09-07T16:09:00.000-07:00

نأسف على العنوان ...

اكيد مش واضح .. بس كلمة "أهلي " اللي في العنوان معناها" النادي الأهلي " ....

شعور سئ جدا انك لا تفقه اي شئ عن كرة القدم في بلد بتنام و تصحى و تاكل بكرة القدم .. الأطفال المصريين بيتولدوا بيعرفوا يلعبوا كورة ..ايوة أنا متأكدة لأني مرة شفت ولد يدوبك 3 سنين بيلعب كورة في الشارع ... اتعلمها امتى ؟؟

انا لسة فاكرة ولاد فصلي ايام المدرسة لما كانو بينتهزوا اي فرصه عشان يلعبوا كورة .. كانو بيخرجوا من الملعب لونهم أحمر (لون تراب الملعب ) .. ايه الكورة دي يعني عشان الشعب كله يبقى مدمن كورة ..

رغم تحليلي النفسي للموضوع اللي هو ان المصريين بيشوفوا في الكورة المصدر الوحيد لرفع معنوياتهم المنخفضة .. واننا بما اننا مش قادرين ننتصر على اسرائيل و امريكا فبننتصر على الزمالك في الدوري (اسمه كدة ؟؟) أو على الدول الافريقية الأخرى في كاس الامم .. الا اني ما زلت اتعجب من ذلك الحب الشديد للكورة ..

وقفت ادام ال stand بتاع ال best seller ادور على اي كتاب اشتريه بدل الفراغ الفظيع بتاع الاجازة ده (قبل رمضان طبعا ) ده طبعا بعد ما كل الكتب اللي عندي خلصت (اصحابي استلفوهم قبل ما اقرا صفحة واحدة منهم كالعادة ) .. لقيت كتاب صغير كدة اسمه ( يا اهلي يا حبي يا حتة من قلبي) .. توقعت ان الاسم ده يكون اسم احدى المقالات داخل الكتاب و ان بقيت الكتاب يكون فيه مقالات متنوعة عن حاجات تانية اكثر اهمية .. و فعلا اشتريت الكتاب و قبل ما انام ابتديت اقراه .. المقالة الاولى عن الكورة .. مش فاهمة ولا كلمة و لاكأني بقرأ عربي ..مش مهم قلبت الصفحات لحد ما وصلت للمقالة التانية .. برضه كورة ؟؟؟؟؟؟؟؟؟ لا .. حرام .. وابتدت الحقيقة المريرة تضح امامي ... الكتاب كله عن الكورة ..

اتغظت من الكاتب جدا .. ايه الروقان ده .. رحت اشتكي من الكتاب لماما .. "على فكرة ياماما الراجل ده عامل الكتاب كله عشان متغاظ من واحد كدة اسمه "محمود الجوهري" اول مرة اسمع عنه .. بدأت نظرات ماما تتشكل لتكون نظرة احتقار كبيرة .. متعرفيش مين هو محمود الجوهري ؟؟ انتي مش من البلد دي .. ده رئيس اتحاد الكورة باين ( والله ما فاكرة قالتلي ده يبقى مين ) .. دي مش مشكلة الكاتب يا حبيبتي دي مشكلتك انتي .. ايه الجهل ده ؟ ...

طيب السؤال دلوقتي : هو انا المفروض احب حاجة واهتم بيها لمجرد ان كل الناس اللي حواليا كدة ؟؟

الاجابة : لأ مش المفروض ... و أ،ا بقولها اهه أنا مش بحب الكووووورة

اه صحيح نسيت اقوللكم مصير الكتاب بعد ما عرفت انه كله عن الكورة .. رميته فوق الدولاب مع القصص بتاعتي و انا صغيرة ..

2008-08-28T16:18:00.000-07:00

أخيرا .. عرفت أسمه ايه ..بجد مكنتش عارفة اللي بيحصل ده اسمه ايه ؟

ازاي تبقى بتشوف حد كل يوم و تحس انك مفتقده .. بعد ما كنت بتحس انه على طول معاك حتى لو فات شهر مشفتهوش

تحس انه بعيد عنك بألاف الأميال و هو واقف جنبك ...

مهما اتكلم تحس انه ساكت عشان كلامه دخل ودنك بس موصلش لقلبك .. بعد ما كنت بتحس بكل كلامه و هو ساكت

هو ده " الفراق الروحي" .. قريت الكلمة دي في مدونة "أحبائي" و انا شخصيا بحب المدونة دي اوي .. مش بس عشان صاحبتها شخصية عزيزة عليا اوي .. لكن عشان هي خلاصة رحلة طويلة في الحياة و تجارب كتير ..

نرجع لموضوعنا .. الحقيقة المصطلح نفسه عجبني اوي لأني بحب اي مصطلح يوصف المشاعر بدقة .. رغم ما توحي بيه كلمة "فراق" في حد ذاتها من ألم وعذاب و خسارة .. الا انها تصبح هينة اذا قارناها بنفس الكلمة بعد اضافة كلمة "روحي" اليها ..

لما حد بتحبه يسافر أو يبعد بأي شكل ، مخك بشكل او بآخر بيترجم ده على انه "فلان مش هنا " هتزعل لكن هتتأقلم .. ده الفراق

لكن لما يكون الشخص ده هنا بس انا مش شايفه ومش حاسسه .. فدي مخيفة شوية .. ده الفراق الروحي

طيب ليه ؟؟ .. عادي زي الفراق العادي .. الفراق العادي ممكن يكون بمزاجنا زي السفر و قرارات الانفصال و ممكن يكون غصب عننا زي الموت .. كذلك برضه الفراق الروحي ممكن يكون بمزاجنا .. احنا اللي ناخد القرار الأحمق بأننا نقطع كل الروابط بعمايلنا "السودة"

.. أو انه يحصل فراق روحي فجأة بدون اي اسباب او مقدمات او تسلسل منطقي للأحداث .. و ملحوظة مهمة ده حاجة و الكراهية و الحقد و الكلام ده حاجة تاني خالص .. الكراهية و الحقد مشاعر .. اما الفراق الروحي حالة بلا اي مشاعر ..

طالما اعتقدت ان الفراق -بنوعه الأسوأ اللي هو الموت في رأي- هو أقسى حاجة ممكن يتعرض ليها الانسان .. عشان كدة كانت احدى دعواتي "اللهم هون على الفراق " اللي شفته واللي هشوفه " و بكل أنواعه ...

يتبع ..(أو لا يتبع )

معنى كبير في شئ صغير

2008-07-26T13:41:00.000-07:00

تسللت من وسط الزحمة .. ورحت اتفرج عليه شوية .. بصراحة كان احلى من أي طفل اتولد النهاردة .. مامته سمته "عمر" .. وقفت جنبه .. وكان نفسي يبصلي لكن بصاته كانت غير محددة الاتجاه كان بيبص في كل حتة بيحاول يكتشف العالم الجديد اللي خرجناه ليه .. و يمكن مكنش عايز يبصلي عشان كان فاكرني شاركت في احضاره للعالم الغريب مع اني والله مليش دعوة انا كنت واقفة بتفرج بس..

-"عمر " ازيك يا بطة .. welcome to our world

قلتله كدة وانا بحاول اخليه يبصلي باي طريقة .. معبرنيش برده و بدأ يعيط

-يابختك يا سيدي ..

مش عارفة قلتله يابختك ليه .. يمكن عشان لسة معملش ولا ذنب في حياته .. يا سلاااااااااااام لو الواحد يرجع طفل تاني و يكبر من غير ما يعمل ولا ذنب في حياته .. وللا يمكن يا بخته عشان لسة صغير و مش فاهم حاجة .. أصل لما الواحد بيكبر بيفهم حاجات كتيييير .. بيفهم يعني ايه مسئولية و انه لازم هيشيلها شاء او ابى .. بيفهم يعني ايه فراق وانه طول ماهو عايش هيبعد عن ناس بيحبهم لأن الدنيا و الظروف كدة دايما بتفرق الناس عن بعضها .. بيفهم يعني ايه موت وانه بعد ما عمل حاجات كتيرة حلوة في الدنيا و حب الحاجات الحلوة اللي هو عملها هيسيبها كلها زي ما هي و يعود من حيث اتى (العدم)..

سرحت في كلامي مع سي "عمر" و فجأة انتبهت لحاجة مهمة جدا .. الولد سبحان الله بدأ يبصلي بتركيز شديد جدا بعد ما كنت هتجنن عشان يبصلي .. يا ترى ليه .. ممكن يكون بشكل ما حاسس بالكلام .. اكيد لأ طبعا لأنه اصلا مش فاهم هو بيبص لأيه عشان يفهم الكلام ..

لمست ايديه الصغيرتين .. و نظرت لصوابعه الصغيرة الجميلة لأسرح مرة أخرى .. يا ترى كمان اربع سنين هيبقى شكله عامل ازاي .. طيب كمان عشرين سنة .. مرة تانية انتبهت على صوت أنين امه (عادي يعني واحدة لسة والدة ) بالمناسبة يعني أنا اكتشفت ان الستات بيصرخوا وهم بيولدوا عشان جرت العادات والتقاليد على كدة .. محافظة على الشكل الكلاسيكي للولادة .. زي بالظبط ما الأطفال اتعودوا يغنوا نشيد بلادي في طابور الصباح .. بدأ "عمر " في البكاء متخذا أمه قدوة في ذلك ..

-بس يابني ربنا يهديك خلينا نكمل كلامنا ..

مفيش فايدة المرادي يظهر زهق و حسيت انه بيقوللي : انتي فايقة ورايقة سيبيني في الهم اللي انا فيه .. معاه حق بصراحة الراجل بردان و بيترعش وجعان و انا عماله اكلمه في كلام فاضي .. سيبته في حاله وقمت القي نظرة على باقي الحالات لعلي اتعلم شيئا .. ولكن ما زالت في بالي فكرة .. لو قدر لي ان اكون دكتورة نسا هاسأل على اي طفل جببته هنا (الدنيا) بعد عشرين سنة علشان أشوف الدنيا عملت فيه ايه..

سبحان الله بجد الدنيا زي مسرح ، أول ما بيترفع الستار الكل بيفرح و يصفق ، و يبدأ البطل في لعب دوره ، و دوره ده بيعجب الناس في كل فصل من فصول المسرحية عشان سبب مختلف ،في الفصل الأول بتعجبهم البراءة والنقاء و الفطرة ، و في الفصل التاني بتعجبهم القوة و الانطلاق و الحماس و المشاعر ، و الفصل التالت بيعجبهم المركز و السلطة والفلوس و الوقار و تخلص المسرحية و ينزل الستار .. ممكن ناس تعيط عشان المسرحية خلصت و بطلها اختفى .. و ممكن ناس تصفق عشان كانت عارفة ان المسرحية كدة كدة هتخلص ..بس الانسان مبيعرفش قيمة الحياة الا لما بيفوت منها كتير .. و لو بجد عايز تعرف قيمة الحياة بص لطفل صغير..

اعمى يقوده مجنون

2008-07-21T11:51:00.000-07:00

اكيد معظم الناس عارفين مين الأعمى اللي يقوده مجنون .. القصة دي قريتها أول مرة زماااان أوي وعجبتني جدا .. و افتكرتها و انا بقرأ اول فصل من كتاب (ضربة في قلبك) بتاع أحمد رجب الذي يحمل نفس العنوان .. فقلت ادور عليها وافتكرها و اكتبها يمكن حد ميكونش لسة عارف مين الأعمى اللي يقوده مجنون ..

زماااااااان حين لم يكن على الارض انسان .. كانت الفضائل و الرذائل زهقانين (مش لاقيين حد يشتغلوه و يلعبوا بيه و يدخلوه في صراع مرير مع نفسه) .. فقال الابداع يللا نلعب استغماية ، فرح الجنون قوي و قال : انا اللي هبدأ .. أنا اللي هبدأ .. هغمض عيني و أعد وانتو تستخبوا .. ماشي ؟ واحد ، اتنين ، تلاتة .. و كل الفضائل و الرذائل جريت في كل حتة عشان تستخبى ..

الرقة لقت مكان فوق القمر ، و الخيانة استخبت في القمامة (هتقوللي جت منين قبل ما الانسان يتخلق هقول معرفش المخرج عايز كدة ) ، و الولع استخبى بين الغيوم ، و الشوق استخبى في باطن الأرض، و الكذب قال بصوت عالي انا هستخبى تحت الحجارة و بعدين استخبى في قاع البحيرة ..

و لسة الجنون شغال في العد : 95، 96 .. كل الفضائل والرذائل اختفت الا الحب هو الوحيد اللي معرفش يستخبى ، هو كدة ربنا خلقه كدة ، لما بيبقى موجود مبيعرفش يستخبى و حتى لما الانسان اتخلق معرفش يخبيه ..

المهم قرب الجنون على 100 راح الحب ناطط في شجيرة ورد و استخبى فيها .. الجنون فتح عينه و بدا يدور عليهم .. أول واحد اتكشف هو الكسل علشان مكلفش نفسه انه يدور على مكان يستخبى فيه ..و بعدين الرقة نزلت من القمر و الكذب طلع من البحيرة مقطوع النفس ، و الشوق خرج من باطن الأرض و الجنون لقاهم كلهم واحد ورا التاني ما عدا الحب .. اتضايق و كاد ان يحبط لولا اقترب منه الحسد وقالله :

الحب مستخبي في شجيرة الورد دي .. راح الجنون جايب رمح ليه سن مدبب و اعد يطعن شجيرة الورد بغباء علشان يطلع منها الحب .. و فجأة سمعوا صوت بكاء رقيق .. و ظهر الحب .. حاطط ايده على عنيه و الدم بينقط من بين صوابعة .. اتخض الجنون و قال : اللي انا عملته ده !!!! ازاي ممكن اصلح اللي انا عملته ؟ .. رد الحب : مش هتقدر ترجعلي بصري بس ممكن تكون دليلي و من يومها و الحب اعمى يقوده مجنون ..

خلاص الحب بقى أعمى و مبقاش ينفع يمشي من غير الجنون يعني ماينفعش حد يحب من غير ما يبقى مجنون .. لازم اللي بيحب يجنن نفسه و يجنن اللي بيحبه.

قصر البارون

2008-07-16T13:43:00.000-07:00

مش عارفة .. طريق صلاح سالم ده اصبح مصدر الالهام الوحيد بالنسبالي من كتر ما بعدي فيه كل يوم رايحة جاية .. اخر مرة اتكلمت عن حملة وقفة مصرية .. و المرادي هتكلم عن "قصر البارون " ..

زمااان لما كنت صغيرة كنت بخلي بابا يبطأ اوي سرعة العربية لما نقرب منه عشان اتفرج عليه شوية .. و فاكرة اني مرة سألته " بابا هو مينفعش اشتري قصر البارون ده لما اكبر ؟" .. كنت و ما زلت بحب اتفرج على القصر ده بالذات اوي لأنه على ما اعتقد الوحيد من نوعه في مصر .. كل القصور التانية مبنية في الغالب على طراز عربي او اسلامي .. اما ده واخد شكل "أسطوري " شوية يمكن طراز هندي سمعت كدة.

ساعات بتخيل نفسي في القصر ده .. مرة و انا ببص من احدى شرفات القصر على الصحراء الواسعة (زمان صلاح سالم ده كان صحرا).. و مرة و انا نازلة على السلالم العجيبة بتاعته .. و مرة و انا لابسة

فستان ابيض و اعدة في الجنينة و حوالينا الصحرا ( ولا حلم من الاحلام دي بتخيل فيه

العربيات رايحة جاية في الشارع ) دايما بتخيله و هو في الصحرا .

في فترة كنت بحب قصص الأشباح اوي وده زود حبي للقصر لأنه كان مكاني المفضل لتصوير افلامي (قصدي أحلامي ) .. و النهاردة بس عرفت عن القصر ده حاجات عجيييييبة معرفش اذا كانت صح وللا غلط .. اولا عرفت ان في سرداب طويييييييل طوله اكتر من 5 كم بيوصل ما بين البدروم بتاع القصر و كنيسة البازيليك في شارع الأهرام في روكسي ( تخيلوا المسافة ) ... و عرفت كمان ان الجزء العلوي من برج القصر كان بيدور دورة كاملة كل ساعة و لكن تروسه تعطلت منذ زمن بعييييييييييد ..

المهم دلوقتي اني نفسي ادخل القصر ده و اتفرج عليه من جوة .. مش عارفة ده ممكن وللا لأ .. انا سمعت ان وزارة الثقافة ناوية تعمله متحف او مزار سياحي .. و ساعات كتير وانا معدية ادامه بلاقي ترابيزات و كراسي في حديقة القصر .. معنى كدة ان الناس بدأت تقترب من هذه ال mystery الرهيبة .. القصر الغامض .. العجيب انه فضل فترة طويلة جدا جدا محدش يعرف عنه حاجة رغم انه موجود في مكان مليان ناس يعني من ساعة ما صاحب القصر "البارون امبان " مات سنة 1927 تقريبا لحد دلوقتي و هو مقفول .. حتى بعد الغرائب و العجائب اللي يقال انها بتحصل في القصر ( اصوات ، حريق و دخان انطفأ لوحده ، اشباح .. الخ ) كل ده و محدش فكر يستكشفه .. يا ترى هتيجي الفرصه اني احقق احلامي بالقصر ده .. مش لازم اشتريه يعني :) كفاية بس ادخل اتفرج عليه .

وقفة مصرية ..

2008-06-29T09:10:00.000-07:00

ايه اليفط الحمرا دي كلها ؟؟؟؟؟؟؟؟ هو الأهلي كسب وللا ايه ؟؟
لافتات حمراء كبيرة على طول طريق صلاح سالم ( وفي شوارع كبيرة اخري ) تحمل شعار :
"وقفة مصرية " و كل واحدة مكتوب عليها : نحكم عقلنا .. ناكل كلنا ( وصورة رغيف عيش جميل جدا ولا في الأحلام اصلا )، نحكم عقلنا .. نتعالج كلنا ، نحكم عقلنا .. .... الخ .
اعدت افكر يا ترى اليفط دي بتاعت ايه ؟؟؟ ( ممكن تقولوا عليا جاهلة او لا اتابع الأحداث الجارية )
بس كل اللي فهمته انها حملة كبيرة بل فظيعة بل هائلة بل مريعة بل ... مش عارفة .
طريق صلاح ساااااااااااالم الطويل العريض ده كله مفيهوش ولا اعلان غير "وقفة مصرية ؟" بكام ده كله ؟؟.. عرفت بعدين انها حملة للدعاية لتنظيم الأسرة .. اعدت اضحك اوي .. اذا كان طالبة في كلية طب ( المفروض يعني انها بتفهم ) و مفهمتش ان دي حملة لتنظيم الأسرة ..
و بعدين حتى اذا الناس فهمت .. ممكن مثلا اعلان واحد قراه وهو "مزنوق "في ميكروباص والناس "متكومة " فوقه يأثر فيه و يقنعه ؟؟؟ ..
يعني مثلا لو واحد عايز يجيب عيال كتيرو قرا الإعلان يغير رأيه و تاخده الوطنية و يقول لمراته " لا بلاش نجيب عيال .. يللا نحكم عقلنا .. علشان ننقرض كلنا " ؟ معتقدش
اكيد انا مش ضد تنظيم الأسرة .. ولا ضد الحملات دي .. بس تنظيم الأسرة محتاج " حملات توعية " مش "حملات دعاية " .. دي حملات دعاية .. مكلفة جدا .. ده لو كانوا وفروا فلوسها كانوا جابوا اكل ودوا للعيال اللي هتتولد في التلت اربع سنين اللي جاييين ..
و اقصد ب "حملات توعية " انها تكون "موجهة " للطبقة اللي هي السبب في الزيادة السكانية ( اللي هي في الغالب مبتعديش في صلاح سالم .. ولو عدت بتبقى مزنوقة في ميكروباص و مش شايفة الإعلان اصلا .. ولو شافته هتدعي علىالاعلان واللي عمله واللي علقه ...)
بجد احب اعبر للمبدعين اللي عملوا الحملة دي عن اعجابي الشديد بشكل اللافتات .. ولونها .. و جمال الصور .. بس مضطرة اقول انها للأسف ملهاش لازمة ..
و ياريت الحملة تحكم عقلها .. و تشيل اليفط كلها

الشيك ..و الرايق .. و الجرسون

2008-06-25T10:14:00.000-07:00

دخلت الدكتورة (الطبيبة) ..الأمورة .. لابسة احلى حاجة عندها .. ولفة الطرحة احلى لفة .. و مظبطة ال make up احسن حاجة ( طبعا على الأقل اعدت تلت اربع ساعات الصبح قبل الامتحان تجهز نفسها علشان تنزل من بيتها بالشياكة دي ) .. واعدت في مكانها في لجنة الامتحانات و على وجهها علامات الاطمئنان الشديد ولا كأنها اعدة في سينما .. بينما الأخريات ( الأقلية ) يجلسن "متحنطين " في اماكنهن يرتعدن من القلق و كل واحدة فيهم بتقول الشهادتين كأنها "بتحتضر" مش في امتحان ..
بدأ الامتحان و كل واحدة من اللي كانوا بيقولوا الشهادتين مسكت القلم و نزلت حرت في الورقة .. و الأخت (الشيك ) رجعت ضهرها لورا و اعدت تقرا الورقة باسترخاء شديد كأنها بتقرا الجرنان الصبح على السرير ..
وبعد شوية (نص ساعة من الامتحان ) دخل الدكتور (الطبيب ) .. برضه نفس الأناقة و الروقان و اعد في مكانه جنب زميله ( واحد من اللي بيقولوا الشهادتين قبل الامتحان ) و نده على المراقب : "جرسون .. ورقة الأسئلة لو سمحت "
قرب الامتحان يخلص وانا لسة بحرت ( اه نسيت اقولكم ان انا من الناس اللي بتحتضر قبل الامتحان ) و فجأة بدأ السيناريو المعتاد .. خلصت الأمورة قراية الجرنان وقالت تحل الامتحان بقى .. ولفت وراها عشان تطلب المساعدة من اخواتها في الله .. كدة انا مضطرة اسحب كلمة (طبيبة ) اللي قلتها عليها في الأول لأنها تحولت فجأة الى شحاتة .. متسولة بكل المقاييس بجد .. و الشهامة و نبل الأخلاق تنزل على اصحابها بقى و كل اللي يقدر "يحدفلها " كلمة بيحدف .. كأن البنت بقى يا عيني ذاكرت و تعبت و مش عارفة تحل .. و الأخ ( الرايق) اللي دخل بعد الامتحان بنص ساعة بدأ تهييس .. يا ريته بيغش .. بينادي على "الجرسون " و يقوله : انا مش عارف حاجة .. فيتظاهر الجرسون بالاحترام و الأخلاق العالية و يقولله كنت ذاكرت يا دكتور .. فيرد ( الرايق) : والله مش فاكر ، فيقررالجرسون انه يظهر على حقيقته و يروح عند (طبيبة بجد بجد ) و يقوللها : راعي زمايلك يا دكتورة !!!!
فضلت الدكتورة ( الشيك ) و الدكتور (الرايق) يتسولوا ما بقى من وقت الامتحان .. و الصدقات تنهال عليهم من كل المحسنين .. و الكلام يطير حوالين ودني .. ساعات بكتشف ان عندي غلطات و يبدا (شوشو ) في ممارسة عمله باتقا ن لاقوم بتغيير اجابتي .. الحمد لله بنتصر عليه .. بس بعد صراع نفسي مرير بيستهلك مجهودي الذهني ووقت الامتحان .. كل اللي بقدر اعمله طبعا اني اقول اني مش عارفة اركز من الصوت .. لكن في اخر امتحان : انفجر الكبت الفظيع جوايا .. لقيت نفسي بصرخ بعلو صوتي : " عيب عليكم بجد " رن صوتي في اللجنة كلها ، واتجهت كل الانظار طبعا الى المريضة النفسية اللي اتجننت و مخها فلت من كتر المذاكرة .. اما الرايقين فمعملوش حاجة غير : "sorry "
على فكرة ال(الشيك ) و ( الرايق ) دول عينة بس لكن للأسف الشديد دول مثال على الأغلبية !!
نفسي اعرف مين ال (criminal ) اللي هيسمحلهم يبقوا دكاترة يتعاملوا مع مرضى غلابة .. يحافظوا على صحة الناس و سلامتهم و مالهم واسرارهم .. انا حاسسة اني سلبية علشان مبعملش حاجة توقفهم عند حدهم .. بس الكباراللي اتكلمت معاهم في الموضوع ده قالولي " متخسريش حد " .. مش عارفة بس حاسسة ان سكوت اي حد على الغش مشاركة فعالة في خروح " الأطباء النص كم " دو الى عالم الطب ( اللي المفروض انه نظيف و شريف ) ..انا محتارة فعلا
ااااه صحيح نسيت اقولكم ( الشيك ) عملت ايه بعد الامتحان : ( ايوة يا مامي الامتحان كان سهل موووووووت !!!!!!!!!!!!!!!!!!!!!!!!!!!!!!!!!!!!)

آخر عيد ميلاد

2008-05-14T14:06:00.000-07:00

عرفت ان عيد ميلادك قد اقترب

فارتديت هذه الملابس السوداء

و جئت اليكي لأتمنى

أن يكون آخر عيد ميلاد

...........

اااه لقد اعاد عيد ميلادك على ذكريات اليمة

منذ ان ولدت ايتها العجوز

ونحن نعيش في شقاء

من الذي اتى بك الى هنا ؟

..........

جئت اليكي ولا أخشاكي

لا أخشى يديكي المخيفتان

الملطختان بالدماء

جئت لأقول لكي امنيات عيد الميلاد

..........

اتمني ان تكون نهايتك قريبة

اتمنى ان نحضر جنازتك انتي وكل اقاربك الذين

جاءوا من كل العالم ليحضروا

عيد الميلاد

.....

60عاما ونحن نبكي و نتألم ونصرخ

وانتي هنا تحتفلين بعيد الميلاد ؟؟؟؟؟؟؟؟؟؟؟؟؟؟؟؟!!!!!

ادعو من كل قلبي واتمنى ان يكون

عيد ميلادك ال 60

اخر عيد ميلاد

2008-04-27T06:29:00.000-07:00

الفترة دي من السنة مملة جدااااااااا، المذاكرة مبتخلصش والواحد تعب و زهق .

بالذات ضحايا كليات الطب بيحسوا بالموضوع ده اوي علشان قلبهم على المذاكرة اوي (مش كلهم طبعا) وفي نفس الوقت عندهم شعور خفي في عقلهم الباطن انهم في معتقل وان الكلية ضيعت عليهم حاجات كتير حلوة في حياتهم ... ما علينا مش ده موضوعنا بلاش نقلب المواجع.

الحقيقة هي اننا احنا اللي بنعمل كدا في نفسنا ..لاني اكتشفت بعد ما قضيت نص المدة في المعتقل ان اللي يضيع كل وقته في المذاكرة يبقى مجنووون . حياتنا اوسع واكبر من ان تقتصر على حفظ شوية كتب لازم نعمل حاجات تانية و الحاجات التانية دي مش لازم تبقى مفيدة لازم يبقى في شوية تفاهة , و تضييع وقت و تهييس .

في مفهوم حلو اوي ممكن يخفف عننا ال stressالفظيع بتاع فترة الامتحانات دي هو : ازاي تخرج من (ur circle of concerne) وتدخل في (ur circle of influence) . الحقيقة انت مش محتاج تخرج من الدايرة الاولانية عشان تدخل في الدايرة التانية لان الدايرتين concenteric.التانية جوة الاولى.

ده معناه ايه ؟ معناه ان مش كل اهتماماتك ممكن تعمل حاجة فيها و مش كل مشاكلك ينفع تحلها ، فانت هتسيب الدايرة الكبيرة اللي فيها كل المشاكل اللي ينفع يتحل واللي مينفعش و تدخل في الدايرة الاصغر اللي فيها المشاكل اللي ينفع تتحل بس اللي هي ال circle of influence.ده هيوفر طاقة التفكير في المشاكل اللي مينفعش تتحل والاهتمامات اللي مفيش في ايدك حاجة تعملها فيها للمشاكل اللي ينفع تتحل .و مع الوقت هتلاقي ان الدايرة اللي جوا بتكبر ده معناه ان قدرتك على حل مشاكلك بتزيد او بمعنى ادق عدد المشاكل اللي تقدر تحلها بيزيد.

ده طبعا يتطلب انك تكون قادر اصلا انك تعمل sortingلمشاكلك الى "ينفع تتحل " و"مالهاش حل في الوقت الحالي ".

لو عرفت تطبق المفهوم ده هيفرق جدا معاك في حياتك و في ادارتك لمشاكلك خاصة في الاوقات الصعبة اللي زي ايام الامتحانات. و يا ريت فعلا نتعلم مهارات التغلب على ال stress على اد ما نقدر لان يبدو اننا هنحتاجها كتير بعد كدة احنا داخليين على ايام .............بيضاء ان شاء الله.

2008-04-14T08:33:00.000-07:00

These are not my own words ,they r the lyrics of Celin Dion famous song (Because u loved me)
I hear it almost daily ,I strongly feel every word of this song towards Mom , Dad and the best friends I've ever known........RYSHA(N.B.these are the initials of my friends' names)

For all those times u stood by me

for all the truth that u made me see

for all the joy u brought to my life

for all the wrong that u made right

for every dream u made come true

for all the love i found in u

I 'll be forever thankful

you are the one who helped me up

Never let me fall

you are the one who saw me through it all

you weremy strength when i was weak

you were my voice when i couldn't speak

you were my eyes when i couldn't see

you saw the best there was in me

lifted me up when i couldn't reach

you gave me faith coz u believed

I am every thing Iam because u loved me

you gave me wings and made me fly

you touched my hands i could touch the sky

I lost my faith u gave it back to me

you said no star was out of reach

you stood by me and i stood tall

I had your love I had it all

I am grateful for every day you gave me

May be Idon't know that much

but I know this much is true

I was blessed because i was loved by you

You were always there for me

the tender wind that carried me

A light in the dark shining your love into my life

you have been my inspiration

through the lies you were the truth

My world is a better place because of you

2008-04-11T06:51:00.000-07:00

لماذا هم بداخل الصندوق ؟ لم يكن صندوقا بل صفيحة قمامة كبيرة .. هل لانهم لم يعد مرغوبا فيهم ام لانهم يزيدون من ازدحام المنزل .. لم يكونوا يشعرون بالضيق لكونهم في الصندوق ..فقد اعتادوا على ذلك .. بل بالعكس ارتسمت على وجه كل منهم ابتسامة بريئة كتلك التي ترتسم على وجه اي طفل في مثل هذا العمر..

نعم اطفال داخل صندوق القمامة .. كانوا يلعبون و يلقي كل منهم الاخر بقطع من القمامة .. لا لم يكونوا يلعبون لقد كانوا يعملون .. انهم يعملون في اعادة تدوير الاشياء التي قد يعثرون عليها في صناديق القمامة.. طريقة بدائية (و في رايي غير ادمية) لاعادة التدوير..

لقد اكتشفت هؤلاء الاطفال عندما تكرر ان القي شيئا في ذلك الصندوق الكبير في طريق عودتي الي المنزل لاجد رأسا صغيرة تطل من الصندوق لترى من الذي قذف شيئا عليها حتى اني اصبحت اخاف ان ارمي شيئا في هذا الصندوق حتى لا اصيب احدهم بأذى..

انهم راضين رغم هذا لانهم لا يعرفون الى اي مدى هم محرومون من حقوقهم .. حقهم في النظافة و الصحة و التعليم ..لا اعرف ما الذي يمكننا فعله من اجلهم لكن اكثر ما استرعى انتباهي هو ذلك الرضا بتلك الحياة رغم كل صعوبتها و تلك الابتسامة البريئة....

2008-03-31T22:57:00.000-07:00

I was fascinated by every word I read in that topic"Drug abuse"among the curriculum of pharmacology. The effects of the drugs are funny enough to make u feel reading for leisure rather than studying.It seemed that every thing has a drug ,e.g. if u want to dance u should take , amphetamin it will adjust ur dance with the beats of music (how accurate this amphetamine is...loool) but if u get fed up with ur 3rd year in the school of medicine u 'd better take LSD....its greaaaat it is a very potent hallucinogen that makes u percieve lights as sounds n vice versa (how is it like ? it is wierd, they should appreciate our curios nature as genius doctors who tend to try every thing :)..it can also take u through bad trips ( don't worry i am sure that those trips are much more peaceful than the reality ) OOps I gotta go now iam late .. I will talk later about the rest of those wonderful drugs
I wonder how they expect us to health educate people against addiction after knowing all these wonderful amazing facts :)
(N.B:for non-medical : I am kiding)

2008-03-30T11:34:00.000-07:00

معلش مكنتش احب ابدأ اول موضوع في البلوج بالكآبة دي .. بس القصة دي حقيقية وحزينة و رومانسية

من اسبوع كدة لقيت بابا لابس شيك جدا وكان شكله سعيد جدا .. سألته رايح فين ؟؟ قاللي رايح فرح "حاتم" تيجي معايا ؟ طبعا قلت لأ لأن كان ورايا مذاكرة كتيرة جدا في كليتنا العظيمة..

ده كان يوم الجمعة .. خلص الجمعة ويوم السبت كمان كان قرب يخلص بس حصل اللي مكنش يخطر على بال حد .. حصلت حاجة خلت ليل يوم السبت ده طويييييييييييل ..3مسدات(missed) من بابا العريس و بعدهم 4 مسدات من اخت العريس .. بابا خلص صلاة واتصل : الو خير ؟ .... تعالى بسرعة حاتم و مراته ماتوا ..... ايه ؟؟ ازاي ؟؟

لما سمعت الخبر ده حسيت بحاجات كتيرة داخلة في بعضها, اكيد من جوايا كنت موقنة ان ده قضاء الله و قدره بس جت تساؤلات كتيرة على ذهني : هو في عريس و عروسة بيموتوا بعد اقل من 24 ساعة من

جوازهم ؟؟ حد ممكن يموت في عز الفرحة الجميلة اوي دي ؟؟ طب في حد ممكن يستحمل حزن فراق ابنه او بنته بعد ما كانو عريس و عروسة من كام ساعة ؟

قلبي كان بيوجعني بالمعنى الحرفي للكلمة ساعتها وخاصة بعد ان سمعت اخبار الجنازة (ملحوظة لم اذهب للجنازة ايضا بسبب المذاكرة العظيمة ) ما اشبه الليلة بالبارحة امبارح كانت عربيتهم الجميلة اللي متزينة بالورد(اللي اكيد اعدوا ساعات ينقوا في الوانه و شكله ) بتجري في طريقها الي عش الزوجية الجديد جواها احلام كتيير ووراها بتجري عربيات اصحابهم و قرايبهم بتزفهم بالنغمة الشهيرة بتاعت الفرح .. و النهاردة عربيتين اسعاف بيزفوهم برضه بنغمة شهيرة بس في طريقها المرادي لمثواهم الاخير .. القبر .. كان مشهد فظيع و كل عربية من عربيات الاسعاف بتاخد طريق غير التانية و بتبعدهم عن بعض.. كل واحد فيهم راجع لاهله عشان يدفنوه .. فراق .. للأبد

ادعولهم بالرحمة والمغفرة وان ربنا يجمعهم ببعض في الجنة .. ملحوظة الولد ده مكنش كبير اوي يعني في (اواخر العشرينات ) والبنت برضه وكانوا في كامل صحتهم ورونقهم وكانوا فرحانين جدا و الكل كان بيتمنالهم و متوقعلهم حياة سعيدة لانهم كانوا بيحبوا بعض جدا .......و مع ذلك ماتوا